Panitikang Mediterranean

Ano ba ang panitikang mediterranean?  Ang Panitikang Mediterranean ay nasimula sa simpleng larawan na nagging simpleng komunikasyon hanggang nagging likhang sining at panitikan na pinapaniwalaan na nagbago sa kasaysayan ng mundo. Madaming bansa na naka impluwensya sa panitikang Mediterranean.

Mga akda sa Pampanitikang Mediterranean ay mitolohiya ng Roma, sanaysay mula sa Greece, nobela at maikling kwento mula sa France, Epiko ng Mesopotamia o Roma, tula mula sa Egypt.

Mitolohiya ng Roma        

Ito ay kadalasang tungkol sa politika o sa mga batas ng kanilang diyos at diyosa. Kung hindi nyo pa ito gaanong naiintindihan ito sila Zeus, Athena, Aphrodite at madami pang iba. Ito ay nakuha nila sa Greece noong sinakop nila ito at ito ay kanilang nagustohan kaya’t ito ay kanila ibinahagi ito ng husto.Ginawa nila ang mga diyos at diyosa nito ayon sa kanilang mga paniniwala at kultura. Binigyan nila ng mga pangalan at binigyan ng katangian. Sinikap nila itong maipasok sa kasaysayan.

Sanaysay mula sa Greece

Isa sa mga sanaysay ng Greece ay ang “Alegorya ng Yungib” ni Plato. Ayon kay Plato, ang mga tao ay parang nasa isang kweba na nakatinikala at nakaharap sa dingding ng yungib na may apoy sa likuran upang Makita natin ang mga bagay sa labas ng kweba, at dahil dito kailangan nating humulagpos sa tanikala at lumabas ng kweba upang Makita ang katotohanan sa mga bagay bagay.

Nobela at maikling kwento mula sa France

Alam na natin o pamiliar na sa atin ang nobela at maikling kwento. Isa sa mga nobela ay ang Kuba ng Norte Dame ni Victor Hugo noong 1831. Ito ay naganap sa Norte-Dame Cathedral ng paris, Umiikot ang kwento ni La Esmeralda at Quasimodo, ang kuba ng Norte-dame. Madaming naging teatro, pelikula at telebisyon.

Ang maikling kwento ay “Ang Kwintas” ni Guy de Maupassant, ito nakilala dahil sa “bitin” nitong wakas. Tulad ng Norte-dame ito rin ay madaming naging pelikula teatro at telebisyon.

Epiko ng Mesopotamia

Isa naman sa mga epiko ng Mesopotamia o Iran ay ang Epiko ng Gilgamesh ito itinuring na isa sa pinaka tanyag na unang akdang pampanitikan sa buong mundo. Ito ay limang tulang Sumerian na pinagsama-sama.

Tula mula sa Egypt

Isa sa mga tula ng Egypt ay ang “tinig ng ligaw na Gansa, ito ay naisulat ng Bagong kaharian ng sinaunang Egypt. Ito ay panahon ng pagpapalawak ng Empire ng Egypt at panahong napakasopistikadong pag- usbong ng kultura nito.

Paghahambing

Ano ang pagkakaiba ng Panitikang Mediterrean at panitikang Pilipino? Bago yan ano muna ang panitikang Pilipino. Ang panitikang Pilipino ay umiiral at umuunlad sa katutubong panitikan. Ito rin ay tinatawag na Panitikan ng Pilipinas at Panitikang ng Filipino dahil iba’t iba ang wika ng Pilipino. Kabilang dito kwentong bayan, Maikling kwento, balagtasan, tula, dula, nobela, drama, parabula, bugtong, salawikain, alamat, awiting bayan at iba pa.

Ang pagkakaiba ng panitikang Mediterranean at panitikang Pilipino ay ang Panitikang Mediterranean ay mula sa iba’t ibang bansa samantalang ang panitikang Pilipino ay naimpluwensyahan lamang ng ibang bansa lalo na ng Espanya na galing din sa Mediterranean. Ngunit mayroong galing din sa atin katulad ng Balagtasan. Ang panitikang Mediterranean ay isa sa mga bansa na katulong makaunlad sa panitikan ng pilipinas.


Importansya ng Panitikan

Ang importansya ng panitikan ay para mapaunlad ng kaisipan ng mga tao sa sining o sa pagiging malikhain. Ito rin ay nakatulong sa imahinasyon ng mga tao. Ang panitikan ang isa sa nagbago sa kasaysayan ng mundo at sa pagiisip ng tao. Isa sa mga kailangan pag-aaral ng mga tao ay panitikan dahil malaki ang mai-aambag nito sa atin. Isa ito sa bumubuo ng ating pagkatao dahil sa mga paniniwala at kultura na ibinibigay nito gamit ang pelikula at mga istorya na ibinibigay ng panitikan.

Sources:
https://brainly.ph
https://www.slideshare.net
https://documents.tip
https://prezi.com


Thank you. 
Divina Vizconde
10- Reverence☺